តាកែវ៖ អគ្គនាយិកាវិទ្យុ និងទូរទស្សន៍បាយ័ន លោកស្រី ហ៊ុន ម៉ាណា បាននាំយកអំណោយសម្តេចតេជោ និងសម្ដេចកិត្តិព្រឹទ្ធបណ្ឌិត ផ្តល់ឱ្យពលរដ្ឋមានជីវភាពខ្វះខាតចំនួន ៥៨៩គ្រួសារនៅស្រុកសំរោង ខេត្តតាកែវ នាព្រឹកថ្ងៃទី៣១ ខែមីនា ឆ្នាំ២០២៣។
អំណោយដែលផ្ដល់ជូនប្រជាពលរដ្ឋនាពេលនេះ រួមមាន អង្ករ ២៥គីឡូក្រាម ថវិកា ២ម៉ឺនរៀល មីម៉ាម៉ា ២កេះតូច ត្រីខ២យួរ ទឹកដោះគោ ៤កំប៉ុង មុង១ ភួយ១ ក្រមា១ ប្រេងកូឡា ១ដប ប្រេងខ្យល់ ១ដប សាប៊ូដុំ ១ដុំ ស្បែកជើងផ្ទាត់ ១គូ ច្រាស និងថ្នាំដុសធ្មេញ ១ឈុត។
មុនលោកស្រី ហ៊ុន ម៉ាណា ចែកអំណោយដល់ពលរដ្ឋ លោកស្រីក៏បានពាំនាំនូវការផ្តាំផ្ញើសួរសុខទុក្ខរបស់សម្តេចទាំងទ្វេដល់ពលរដ្ឋ ដោយលោកស្រីបញ្ជាក់ថា ជានិច្ចកាលលោកទាំងពីរតែងតែគិតគូរអំពីសុខទុក្ខ លោកយាយ លោកតា ប្រជាពលរដ្ឋគ្រប់ពេលវេលា និងគ្រប់ទីកន្លែង៕